३ बैशाख, खोटाङ ।
काठमाडौबाट खोटाङको दिक्तेलका लागि छुटेको बस हलेसीमा दुर्घटना हुँदा एक जनाको ज्यान गएको छ । १४ जना घाइते भएका छन् ।
ना ४ ख ७४११ नंको बस गए राति ११ बजे हलेसी तुवाचुङ नगरपालिका–७ रिट्ठाबोटेमा दुर्घटना हुँदा दिक्तेल रुपाकोट मझुवागढी नगरपालिका–७ दोर्पाचिउरीडाँडाका ३२ वर्षीय प्रजबहादुर राईको मृत्यु भएको हो ।
दुर्घटनामा दिक्तेल रुपाकोट मझुवागढी नगरपालिका–७ दोर्पाचिउरीडाँडाका ३२ वर्षीय पर्जबहादुर राईको ज्यान गएको जिल्ला प्रहरी कार्यालय खोटाङका डीएसपी राजकुमार केसीले बताए । राईको उपचारका लागि जिल्ला अस्पताल दिक्तेल लैजाने क्रममा बाटैमा ज्यान गएको हो ।
घाइतेमध्ये ६ जनालाई टिचिङ अस्पताल, काठमाण्डौ लगिएको छ । अन्य घाइतेहरुलाई जिल्ला अस्पताल दिक्तेल लगिएको डीएसपी केसीले जानकारी दिए । बसमा जम्मा १५ जना सवार थिए । गाडीका सहचालक सकुशल छन् ।
