पछिल्लो समय निकै चर्चामा आएकी नायिका पुजा शर्माले चलचित्र अझै पनि बाट डेब्यु गरेकी हुन् भने अन्य चलचित्र प्रेम गीत, म यस्तो गीत गाउछु, राम कहानी चलचित्र सुपरहिट भएका छन् । नयाँ आउन लागेको चलचित्र ‘पोई पर्यो काले’मा पूजाले २० लाख पारिश्रमिक’ लिने भएकी छिन् ।
यहि जेष्ठबाट चलचित्रको छायांकन सुरु गरिने छ । ‘पोई पर्यो काले’को मुख्य भूमिकामा पुजा शर्मा संगै आकास श्रेष्ठ फाइनल भएका छन् । यस चलचित्रमा आकाश र पूजाको जोडीलाई हेर्न सकिनेछ । यस चलचित्रबाट पूजा शर्मा नेपाली चलचित्रको सबैभन्दा महंगी नायिका बनेकी छिन् ।
चलचित्रमा पुरुषोत्तम न्यौपाने र शीव गौतमको संगीत रहनेछ । रेड बर्ड प्रोडक्शनको ब्यानरमा निर्माण हुन लागेको चलचित्र रघु परियार र किरण नेपाली कार्यकारी निर्माता रहेका छन् भने दिपक मनाङ्गेले निर्माण गरेका हुन् । यस चलचित्रमा शिशिर राणाको लेखन र निर्देशन रहेको छ ।
चलचित्र ‘पोई पर्यो काले’ यहि कात्तिकको ८ गते लक्ष्मीपूजामा प्रदर्शन गरिने निर्माण टिमले जानकारी दिएको छ ।
