२ बैशाख, धम्बोजी ।
कर्णाली नदीको गेरुवा भङ्गालोमा पर्ने कोठीयाघाटमा पौडी खेल्ने क्रममा आइतबार साँझ दुई युवा बेपत्ता भएका छन् ।
बेपत्ता हुनेमा बाँके कोहलपुरका दीपेन्द्र कार्की र कैलाली लम्कीका प्रज्वल कोइराला भएको प्रहरीले जनाएको छ।
छ जना साथीहरु मिलेर कोठीघाट घुम्ने क्रममा पौडी खेल्न गएको बेला नदीमा प्रज्वल र दीपेन्द्र बेपत्ता भएको कोहलपुरका उनीहरुकै साथी राजेन्द्र शाहीले बताए।
बेपत्ताको खोजीकार्य प्रहरीले गरिरहेको प्रमुख जिल्ला अधिकारी रामबहादुर कुरुवाङले जानकारी दिए। उनका अनुसार खोजी कार्य लागि सशस्त्र प्रहरी र नेपाल प्रहरीका गोताखोर टोली समेत परिचालन गरिएको छ।
प्रतिक्रिया दिनुहोस्