भारतमा जारी १२ औं संस्करणको इण्डियन प्रिमियर लिग (आईपीएल) क्रिकेटमा आइतबार साँझ भएको चेन्नाई विरुद्ध कोलकाता बीच भएको भिडन्तमा चेन्नाई सुपर किङ्सले कोलकाता नाइट राइडर्सलाई ५ विकेटले पराजित गरेको छ ।
कोलकताको घरेलु मैदानमा भएको खेलमा सुरेश रैनाको अर्धशतकमा चेन्नईले जित हात पारेको हो । टस हारेर ब्याटिङ रोजेको कोलकताले चेन्नाईलाई १६२ रनको लक्ष्य दिएको थियो । चेन्नाईले १९ ओभर ४ बलमा ५ विकेट गुमाउँदै लक्ष्य पूरा गरेको हो ।
आठ खेलमा ४ मा जित र ४ मा हार व्यहोर्दै कोलकाता ८ अंकसहित लिग तालिकाको दोस्रो नम्बरमा गएको छ भने समान आठमध्ये एक खेलमा मात्र पराजित भएको चेन्नाई १४ अंकसहित लिग तालिकाको शीर्षस्थानमा छ ।
चेन्नाईको जितका लागि सुरेश रैनाले १ छक्का र ७ चौका प्रहार गर्दै अविजित ५८ रनको योगदान गरे ।
कोलकताका लागि सुनिल नाराइने र पियुष चाउलाले समान दुई-दुई विकेट लिए भने ह्यारी गर्नीले एक विकेट लिएका थिए ।
चेन्नईका लागि इमरान ताहिरले सर्वाधिक चार विकेट लिए भने सार्दुल ठाकुरले दुई र मिट्चेल सान्टनेर एक विकेट लिए ।
