१ वैशाख, काठमाडौं । युवा फरवार्ड सान्चोको दुई गोलमा बोरुसिया डर्टमन्डले मेइन्जलाई २–१ ले पराजित गर्दै जर्मन बुन्डेस लिगाको शीर्षस्थानमा उक्लिएको छ । यो संगै सान्चो जर्मन बुन्डेस लिगामा कम उमेरमा सब भन्दा बढी गोल गर्ने खेलाडी समेत बनेका छन् । १९ वर्षीय सान्चोले यो सिजन २८ खेलमा ११ गोल गर्दै १३ गोलको लागि योगदान दिएका छन् ।
१८औं मिनेटमा मारियो गोट्जेको पासमा सान्चोले गोल गर्दै डर्टमन्डलाई सुरुवाती अग्रता दिलाए । २४औं मिनेटमा सान्चोले थोमस डिलानेको पासमा व्यक्तिगत दोस्रो गोल गरेपछि डर्टमन्ड पहिलो हाफमै २–० ले अघि बढेको थियो । ८३औं मिनेटमा रोविनले गोल गर्दै गोलअन्तर कम गरेपनि डर्टमन्ड २–१ ले विजयी हुन सफल भयो ।
जितसँगै डर्टमन्डको २९ खेलबाट ६६ अंक पुगेको छ । एक खेल कम खेलेको बायर्नको ६४ अंक छ । पराजित मेइन्ज ३३ अंकसहित १२औं स्थानमा छ ।
