वैज्ञानिकहरूको एक अनुसन्धानले वैवाहिक जीवन बाँचिरहेको मानिस भन्दा एकल जीवन बाँचिरहेको मानिस कैयौं गुणा ज्यादा खुसी र सुखी हुने तथ्य पुष्टि गरेको छ ।
‘साइकोलोजी टुडे’मा प्रकाशन भएको अनुसन्धानको एक रिपोर्टमा पुष्टिकर्ताहरूले लेखेका छन्,”सामुदायिक मूल्य मान्यता पालना गर्नुपर्ने यो समाजमा ‘एकल व्यक्ति’ जहिले पनि जिज्ञासाको विषय बन्न पुग्छ । अनि एकल व्यक्तिलाई यो समाजले हेर्ने दृष्टिकोण पनि फरक हुन्छ ।”
एकातिर इन्टरनेटभरी नै एक्लै हुनेहरूले गुनासो गरिरहेका छन् भने अर्कोतर्फ सारा विश्व नै भ्यालेन्टाइन दिवसलाई भव्य रूपले मनाउने तरखर गरिरहेका छन्।
यसैक्रममा, वैज्ञानिकहरूले भने एकल हुनुका केही सुन्दर फाइदाहरूलाई टिपोट गर्दै बाहिर सार्वजनिक गरेका हुन् ।
हेर्नुहोस् पुष्टिः
१. एकल व्यक्तिहरू अरूभन्दा लचिलो हुन सक्छन् ।
विज्ञहरू भन्छन्,”एकल व्यक्तिहरूले कुनै पनि जटिल मुद्दा-मामिलालाई विवाहित व्यक्तिले भन्दा सजिलो तरिकाले हल गर्न सक्दछन् ।”
सायद यो कुरा ठीकै हुन सक्छ, किनभने विवाहितले जस्तो एकल व्यक्तिले भावनात्मक झञ्झटलाई बेहोर्नुपर्दैन र वैकल्पिक ढङ्गले जुनकुनै अवस्थालाई पनि सामना गर्न सक्दछ ।
२. एकल व्यक्तिहरू सामाजिक क्रियाकलापमा बढी अग्रसर हुन्छन् ।
हुन पनि हो, अधिकांश विवाहित व्यक्तिहरू आफ्नै परिवारको उत्तरदायित्व निर्वाह गर्नमै व्यस्त हुने गर्छन् । पुराना साथीहरू अनि परिवारका जेष्ठ सदस्यहरूसँग समय बिताउन पाउँदैनन् । तर ठ्याक्कै विपरीत, एकल व्यक्तिलाई पारिवारिक बोझले ओगटेको हुँदैन ।
३. एकल व्यक्तिको व्यक्तिगत सम्बन्ध सच्चा हुन्छ ।
हुन त एकल व्यक्तिका साथीको जमात त्यति ठूलो हुँदैन, तर जति पनि साथीसङ्गी हुन्छन्, उनीहरूसँगको नाता एकदमै प्रगाढ हुन्छ ।
४. अधिकांश एकल व्यक्तिहरू रचनात्मकता र मौलिकतामा ध्यान दिने खालका हुन्छन् ।
शान्त वातावरण रुचाउने एकल व्यक्तिले आफ्नो समयलाई कुनै रचनात्मक तथा बौद्धिक काममा लगाउने गर्छन्, जसले गर्दा उनीहरूको जीवन हरेक पक्षबाट समृद्ध हुन्छ ।
५. कसैको अनुमतीबिना नै स्वतन्त्र भएर हिँड्न पाउने व्यक्ति भनेको एकल व्यक्ति नै हो ।
ल मानौँ, एक दिन तपाईँलाई कुम्लोकाम्लो बोकेर कतै यात्रा गर्न मन लाग्यो, अनि तपाईँ विवाहित हुनुहुन्छ । अब भन्नुहोस्, के तपाईँले त्यस्तो गर्ने स्वतन्त्रता पाउनुहुन्छ ? तर यदि तपाईँ एक्लो हुनुहुन्छ भने तपाईँलाई कसले रोक्न सक्छ र ?
एकल जीवन बिताउन पाउनु एक प्रकारको आशिर्वाद नै मान्न सकिन्छ । तर समाजले यो कुरा बुझ्दैन । अनुसन्धानले भनेको छ, एकल जीवनलाई, सम्भावनाको सुनौलो अवसरले भरिएको यो जीवनलाई अझै खोतल्दै जाने मौका हो भन्न सकिन्छ ।
०००
०००
