आईपीएलः बैंग्लोर विरुद्ध महँगो पर्यो सन्दीपको बलिङ, विराटले हाने दुई छक्का

टोलीको १५ औं ओभरमा सन्दीपलाई दिल्लीले व्यक्तिगत तेस्रो ओभर फाल्न लगाएको थियो। उक्त ओभरमा मोइन अलीको विकेट लिनुका साथै सन्दीपले एक चौका र एक छक्का खाए।

उक्त ओभरको तेस्रो ओभरमा अलीलाइ विकेट किपर ऋशब पन्तबाट सन्दीपले स्टपिङ गराएका थिए। १८ बल खेलेका अलीले १ चौका र ३ छक्का प्रहार गरे।

यस्तै सत्रौं ओभरमा सन्दीपलाई दिल्लीले व्यक्तिगत अन्तिम ओभर दिएर पठाएको थियो। उक्त ओभरको चौथो र पाचौं बलमा विराट कोहलीले सन्दीपलाई लगातार दुई छक्का प्रहार गरे। त्योसँगै सन्दीपले सो ओभरमा १९ रन खर्चिए।

योसँगै यस सिजनको आइपीएलमा चौथो खेल खेल्दै सन्दीपले ५ विकेट लिइसकेका छन्। यसअघि दिल्लीबाट सन्दीपले तीन खेल खेल्दै ४ विकेट लिइसकेका छन्।

कोलकता नाइट राइडर्शविरुद्धको पहिलो खेलमा सन्दीपले एक विकेट लिएका थिए भने किंग्स एलेभेन पन्जाबविरुद्ध दुई तथा सनराइजर्स हैदरावादविरुद्ध पनि एक विकेट लिएका थिए।