गायक प्रकाश सपुतले ‘दोहोरी ब्याटल’को सफलतापछि ‘दोहोरी ब्याटल २’ बजारमा ल्याएका छन् ।
पहिलो दोहोरी ब्याटललाई दर्शकले अत्यधिक माया दिएकोमा सोही शैलीलाई पछ्याउदै एकदमै नयाँ विषय र प्रस्तुतिका साथ ‘दोहोरी ब्याटल २’ ल्याएको र यसलाई पनि उत्तिकै मन पराउने आशा एवम् विश्वास गरेको सपुतले बताएका छन् ।
युट्युबमा सार्वजनिक गरिएको ‘दोहोरी ब्याटल २’मा स्वर प्रकाश सपुत र प्रीति आलेको रहेको छ भने कोरसमा पोषण, प्रविन, श्याम, बब्लु, सबिता, सचिन, उषा, पुजा, सुम्निमा र रोशनीले रहेका छन् । श्यामस्वेत रसाइलीले संगीत संयोजन गरेका हुन् । करण चैसिरले छायांकन गरेका छन् भने प्रविन भट्टले सम्पादन गरेका हुन् । निर्देशन, शब्द र संगीत प्रकाश सपुतकै रहेको छ ।
प्रतिक्रिया दिनुहोस्