आईपीएलः “धोनीको विकेट लिने ठुलो सपना छ” – सन्दीप लामिछाने

यस सिजनको आइपीएलमा तीन खेल खेल्दै चार विकेट लिइसकेका उनले भारतीय सञ्चारमाध्यमलाई प्रतिक्रिया दिदैँ आफूले धोनीको विकेट लिन चाहेको बताएका हुन्।

‘मलाई धोनीको विकेट लिन मन छ,’ उनले भनेका छन्, ‘मलाई लाग्दैन् कि कुनै यस्तो बलर होला जसले धोनीको विकेट लिन नचाहेको होस्।’

धोनी वा विराट कोहलीमध्ये कसको विकेट लिन चाहानुहन्छ? भनि सोधिएको प्रश्नमा उनले धोनीको भने।

विश्वभरका विभिन्न ७ वटा फ्रेन्चाइजी लिग खेल्दै सन्दीपले सेन वाट्सन जस्ता स्टार खेलाडीहरुको विकेट समेत लिइसकेका छन्। अस्ट्रेलियाको बिगबास लिग र पाकिस्तान सुपर लिगमा उनले ११ विकेट लिएका थिए। यस्तै वेस्ट इण्डिजको क्यारिबियन प्रिमियर लिगमा उनले ७ विकेट हात पारेका थिए।