नायिका दीपिका प्रसाईले चलचित्र ‘ऐश्वर्य’ बाट डेब्यु गरेकी हुन् । प्रसाईले यही दशैंमा प्रदर्शनमा आएको चलचित्र ‘छक्का पन्जा ३’मा पनि अभिनय गरेकी थिइन्। उनले अहिले सम्म अभिनय गरेका दुवै चलचित्र सुपरहिट भएका छन् ।
दीपिकाले तेस्रो चलचित्र ‘हेल्लो जिन्दगी’मा इन्ट्री गरेकी छन् । नायिका दीपिका प्रसाईले निर्देशक दीवाकर भट्टराईसँग वैशाखको २४ गते बिबाह गर्दैछिन् ।
चलचित्रमा मुख्य भूमिकामा सलोन बस्नेत,दीपिका प्रसाई,श्वेता खड्का, विल्सन विक्रम राई, विक्की जोशी, विक्रान्त बस्नेत लगायतका कलाकारहरुको अभिनय रहेको छ ।
चलचित्र ‘हेल्लो जिन्दगी’ को गीतमा बसन्त सापकोटाको संगीत र निशान भट्टराइले स्वर रहने छ । चलचित्रलाई सृजना जोशीले निर्माण गरेकी छिन् भने पुरुषोत्तम प्रधानले छायांकन गरेका छन् ।र यसको निर्देशन एभरेष्ट सूर्य बोहराले गरेका हुन् ।
