‘मेरो भागको खुशी तिमीलाई मिलोस्’ भन्दै गायक शिव परियारले ल्याए ‘आँशुको अर्थ – २’

बिगत लामो समयदेखी नेपाली आधुनिक सांगीतिक आकाशमा एकछत्र राज गरिरहेको नाम हो – शिव परियार । उनी जति सुन्दर गीत गाउँछन्, उत्तिकै राम्रो संगीत पनि गर्छन् । आफ्नो जादुयी स्वर र संगीत मार्फत् नेपाली श्रोताहरूलाई गज्जबको स्वाद चखाइरहेका गायक तथा संगीतकार शिव परियारको ‘आँशुको अर्थ – २” अर्थात् “मेरो भागको खुशी तिमीलाई मिलोस्” बोलको गीत सार्वजनिक भएको छ ।

‘आँशुको अर्थ’ गीतलाई दर्शक तथा श्रोताले असाध्यै मन पराएपछि परियारले ‘आँशुको अर्थ – २’ अहिले बजारमा ल्याएका हुन् ।

गीतमा स्वर तथा संगीत स्वयम शिव परियारको नै रहेको छ । यसका गीतकार रवि अधिकारी हुन् । त्यसैगरी यसमा संगीत संयोजन उदय राज पौडेलको रहेको छ ।

गीतको भिडियोमा मुख्य भूमिकामा अहिलेकी हिट मोडल ज्योत्सना योगी र सन्नी सिंहको जोडदार अभिनय रहेको छ ।

गीतलाई बुद्ध थापाले छायांकन गरेका हुन् भने निर्देशन निकेश खड्काले गरेका हुन् ।

हेर्नुहोस् भिडियो:

https://youtu.be/F-oxNqtaFYg

सल्लेरी खबर