इण्डियन प्रिमियर लिग (आईपीएल) मा हुने आजको दोस्रो खेलमा अहिले चेन्नाई सुपर किंग्स र राजस्थान रोयल्स आमने सामने हुदैँछन् । टस जितेर राजस्थान रोयल्सले बलिङ रोजेको छ । खेल चेन्नाईको घरेलु मैदानमा भइरहेको छ । दुबै टिमको यो तेस्रो खेल हो ।
चेन्नाईले दुई खेल मध्ये दुबैमा शानदार जित हासिल गर्दै तेस्रो जितको प्रतिक्षामा छ भने प्रतिद्वन्द्वी टिम राजस्थान रोयल्स लगातार दुई खेलमा पराजित भएकाले आज पहिलो जितको खोजिमा हुने छ ।
लगातार दुई खेल जितेको चेन्नाई ४ अंक सहित तेस्रो स्थानमा रहे पनि एक खेल बढी खेलेका कोलकत्ता नाइट राइडर्स र दिल्ली क्यापिटल क्रमश पहिलो र दोस्रो स्थानमा छन् । आजको खेलमा विजयी भए २ अंकको अग्रतासहित महेन्द्रसिंह धोनीको कप्तानीमा रहेको चेन्नाई सुपर किंग्सको नजर शीर्ष स्थानमा उक्लने रहेको देखिन्छ ।
उता पञ्जाबसँग १५ तथा हैदराबादसँग ५ विकेटले पराजित भएको राजस्थानलाई चेन्नाईविरुद्ध जित निकाल्न संघर्ष गर्नुपर्ने देखिन्छ । राजस्थानले हैदराबादविरुद्ध १९८ रन बनाउँदा पनि बलरहरुको प्रदर्शनका कारण ५ विकेटले पराजित हुन पुगेको थियो । पञ्जाबविरुद्ध १८४ रनको लक्ष्य पछ्याउँदा १७० रन मात्रै बनाउन सकेको थियो । प्रतियोगितामा टिकी रहन ब्याटिङ र बलिङमा उत्कृष्ट प्रदर्शन गर्नुपर्ने आवश्यकता राजस्थानलाई रहेको छ ।
यस अर्थमा पनि आज हुने चेन्नाई सुपर किंग्स र राजस्थान रोयल्सको घम्साघम्सी हेर्न लायकको हुने देखिन्छ ।
फोटोः आईपीएल
