इण्डियन प्रिमियर लिग (आईपीएल) मा अहिले भइरहेको सनराईजर्स हैदरावाद र रोयल च्यालेन्जर्स बेंग्लोर बिचको खेलमा हैदरावादले ओपनिङ ब्याट्सम्यान जोनी बेयरिस्टो र डेभिड वार्नरको एक-एक शानदार शतक सँगै २३१ रनको टार्गेट दिएको छ ।
बेयरिस्टोले यसपालीको आईपीएल सिजनको तेस्रो शतक दिलाए भने वार्नरले चौथो ।
एउटै खेलमा यसरी दुइवटा शतक प्रहार गरिएको आईपीइएल इतिहासमा दोस्रो पल्ट हो ।
खेल राजिब गान्धी अन्तर्राष्ट्रिय रंगशाला, हैदरावादमा भैरहेको छ । दुबै टिमको यो तेस्रो खेल हो ।
हैदराबादले दुई खेल मध्ये एकमा जित र एकमा हार व्यहोरेको छ । बिराट कोल्हीको कप्तानीमा रहेको प्रतिद्वन्द्वी टिम बेंग्लोर भने लगातार दुई खेलमा पराजित भएकाले आज पहिलो जितको खोजिमा हुने छ ।
यी दुईबीच अहिले सम्म ९ पल्ट टि-ट्वान्टी भिडन्त भएकोमा सनराईजर्स हैदरावादले ५ तथा रोयल च्यालेन्जर्स बेंग्लोरले ४ जित हासिल गर्न सफल दरिएका छन् ।
फोटोः आईपीएल
