चलचित्र संसार, लुट र छक्का पञ्जा २ पुन प्रदर्शन हुने भएको छ । तिन वटै चलचित्र यही चैत्र २१ गतेबाट कमलपोखरी स्थित क्युएफएक्स कुमारीमा तिनै फिल्म फरक फरक समयमा प्रदर्शन हुँदै छन् ।
चलचित्र छक्का पञ्जा २ ले नेपालमा अहिले सम्मकै सबैभन्दा बढी व्यापार गर्ने सफल चलचित्र रूपमा लिइन्छ । छक्का पञ्जा २ को मुख्य भूमिकामा दीपकराज गिरि, प्रियंका कार्की , केदार घिमिरे , जितु नेपाल , शिवहरि पौडेल , स्वस्तिमा खड्का लगायत कलाकारको अभिनय रहेको छ भने दीपाश्री निरौलाले निर्देशन गरेकी छिन । चलचित्रलाई स्वदेशमा मात्र होइन, विदेशमा पनि प्रदर्शन हुने भएको छ ।
चलचित्र सानो संसारको मुख्य भूमिकामा विनय श्रेष्ठ, नम्रता श्रेष्ठ र कर्मा लगायत कलाकारको अभिनय रहेको छ । यस चलचित्रलाई आलोक नेम्वाङले निर्देशन गरेका छन् ।
चलचित्र ‘लुट’ मा मुख्य भूमिकामा सौगात मल्ल, कर्मा, दयाहाङ राई, सुशील राज पाण्डे र प्रतिकराज न्यौपाने लगायत कलाकार अभिनय रहेको छ । यस चलचित्रलाई निश्चल बस्नेत निर्देशन गरेका छन् ।
