गीतकार पुरण क्षेत्रीको नयाँ गीत ‘खेलाडी हौँ, हामी खेलाडी’ गीत सार्वजनिक भएको छ। गीतको म्यूजिक भिडियो मंगलबार युट्यूबमार्फत सार्वजनिक भएको हो। गीतमा मोहित श्रेष्ठ, सागर अविरल जिसी, प्रगति महरा र निर्मला घिसिङको स्वर रहेको छ।
गीतको भिडियोमा कोरियोग्राफी, क्यामेरा र सम्पादन भीम कुमाखीले गरेका छन् । उक्त खेलाडी गीतको एरेञ्ज कृष्ण पुनले गरेका हुन् ।
गायक तथा संगीतकार मोहित श्रेष्ठको संगीत रहेको उक्त म्यूजिक भिडियोमा सुनछहरी कला केन्द्रका कलाकारहरूको नृत्य रहेको छ । गीतमा दीपिन थापाको नृत्य निर्देशन रहेको छ।
गीतकार क्षेत्रीले जलजलाको नूतन सन्देश (२०६३) र देशले उत्साह खोजिरहेछ (२०७३) कविता संग्रह पनि प्रकाशन गरिसकेका छन्। गीतकार पुरण क्षेत्री हाल रोल्पा नगरपालिकाका मेयर समेत रहेका छन्।
भिडियो हेर्न यहाँ क्लिक गर्नुहोस् :
https://youtu.be/_KY2zWU6nus
