अनमोल केसी र उपासना सिंह ठकुरी स्टारर फिल्म ‘क्याप्टेन’ लिक भएको छ । गत शुक्रबारबाट रिलिज भएको फिल्म प्रेम किंग चान नामक युट्युब च्यानलमा मार्फत लिक भएको हो । प्रेम किंग चान नामक युट्युब च्यानलमा हलमा फिल्म हेर्दै गर्दा मोबाइलबाट खिचिएको पुरा फिल्म नै राखिएको छ । युट्युवमा लिक भएपछि सो फिल्म ५० हजारले हेरिसकेका छन् । तथापी अहिले भने सो फिल्म हटाईएको छ ।
बलियो कानुन नहुँदा फस्टाईरहेको अनलाइन पाइरेसीको मारमा क्याप्टेन फिल्म पनि परेको छ । यसरी हलमा राम्रोसंग चलिरहेको फिल्म लिक हुदा निर्मातालाई ठुलो घाटा पर्ने अवस्था हुने गर्छ । फिल्म लिक भएपछि निर्माण टिम तनावमा परेको छ । फिल्म पाइरेसी हुँदा यसले फिल्मको अन्तराष्ट्रिय रिलिजलाई ठुलो असर पर्ने हुन्छ ।
त्यसोत पाईरेसीको शिकार भएको क्याप्टेन पहिलो फिल्म भने होईन यसअघि बाटो मुनिको फूल ,छड्के ,ड्रिम्स ,छक्का पञ्जा लगायतका फिल्महरु पाईरेसीको शिकार बनिसकेको छ । यसअघि छक्का पञ्जाको पाईरेसी गर्ने व्यक्ति कृष्ण सुवेदीले त आत्महत्या नै गरेका थिए ।फिल्ममा अनमोल केसी ,उपासना सिंह ठकुरी, प्रियंका एमभी, प्रशान्त ताम्राकार, सुनिल थापा, विल्सन विक्रम राई लगायतका कलाकारहरुको अभिनय रहेको छ ।
यो फिल्ममा कथा सामिप्य राज तिमिल्सीनाको रहेको छ । फिल्म ‘क्याप्टेन’को निर्माण भुवन केसीले गरेका हुन् । फिल्मलाई दिर्घ खडकाले सम्पादन तथा दिवाकर भट्टराईले निर्देशन गरेका हुन् ।फिल्म फागुन १७ गते देखी अल नेपाल रिलिज भएको थियो।
