सातौं सिएसाइटी क्रिकेट प्रतियोगिताको आज चौथो दिन प्राइम कलेजले शानदार बिजयी हासिल गरेको छ । आज सम्पन्न खेलमा प्राइमले हेनरिफोर्डलाई ८ विकेटले हराएको हो । हेनरीले टस हारेर ब्यटिङको निम्तो पाएको थियो। पहिले ब्याटिङ गर्दै हेनरिफोर्डले १३ वोभरमा अलआउट हुँदै ६४ रन मात्र जोडेको थियो । उसका लागि सर्वाधिक १५ रन कृष्ण पौडेलले जोडेका थिए । हेनरिफोर्डको ब्याटिङक्रम कमजोर पार्ने क्रममा प्राइमका दिपेश त्रिपाठीले सर्वाधिक ३ विकेट लिएका थिए।
जवाफी व्याटिङमा उत्रिएको प्राइमले निर्धारित लक्ष्य १२ दशमलब १ ओभरमा पुरा गर्न सफल भयो । यसका लागि उसले मात्र २ विकेट गुमायो । ओपनर आयुश रन्जितले १५ रन जोड्दा स्रिजल मानन्धरले नटआउट १९ रनको योगदान गरे । खेलको उत्कृष्ट खेलाडी दिपेश त्रिपाठी घोषित भए ।
चार दिनदेखी चलिरहेको प्रतियोगितामा भोली पहिलो खेलमा हिमालयन कलेज र प्राइम कलेज भिड्दै छन। त्यस्तै दोश्रो खेलमा न्यु समिट कलेज र भक्तपुर बहुमुखी क्याम्पस खेल्ने तालिका रहेको आयोजकले जनाएको छ । उक्त प्रतियोगिताको अफिसियल मिडिया पार्टनर सल्लेरी खबर रहेको छ ।
