विप्लव नेतृत्वको नेपाल कम्युनिस्ट पार्टीले आफ्नो अभियान तीव्र बनाईरहेको बेला लुम्बिनी अन्तर्गत गुल्मी र अर्घाखाँची जिल्लाको अभियानमा खटिएका जिल्लाका इन्चार्जसहित ३ जनालाई पक्राउ गरेको छ । सरकारले बिना कारण नै पक्राउ गरेको विप्लव पार्टीका कार्यकर्ताले आरोप लगाएका छन् ।
बुधवार अर्घाखाँचीको छत्रदेव गाउँपालिकाबाट गुल्मी जिल्ला इन्चार्ज पूर्ण बहादुर सिंह, जिल्ला सेक्रेटरी खिम खड्का, त्यस्तै अभियानमा खटिएका पीताम्बर पोख्रेल र टुकलाल पुनलाई प्रहरीले गिरफ्तार गरेको हो । गिरफ्तार गरिएका उनीहरूलाई जिल्ला प्रहरी कार्यालयमा राखिएको छ । प्रहरीले विभिन्न बहाना बनाएर उनीहरूलाई नियन्त्रणमा लिइएको नेकपाको आरोप छ। थप विवरण आउन बाकीँ रहेको छ ।
यता अखिल क्रान्तिकारी गुल्मीका अध्यक्ष विकल्प खत्रीले भने देशमा भइरहेको अन्याय, अत्याचार, भ्रष्टाचार विरुद्धमा गाँउगाँउ मा गएर सचेतना जगाउन थाले पछि अतालिएर यो सरकारले अभियान टोलीलाई गिफ्तार गरेको आरोप लगाए ।
खड्का सल्लेरी खबरका लुम्बिनी प्रदेश सम्बाददाता हुन् ।