नेपाल कम्युनिस्ट पार्टी विप्लव निकट अखिल (क्रान्तिकारी)का विधार्थीले एनसेलले कर नतिरेको भन्दै देशै भर विरोध तथा दबाबमूलक प्रदर्शन गदै आएका छन् ।
यस्तै बिहीबार गुल्मीको तम्घासमा पनि अखिल (क्रान्तिकारी) ले कालो ब्यानरसहित विरोध सभा गरेको छ । विरोध सभालाई क्रान्तिकारी गुल्मीका विष्णु विकले सम्बोधन गरेका थिए ।
सम्बोधन गदै उनले भने “नेपाली जनताले रगत र पसिना बगाई कमाएको पैसामा सरकाले कर उठाउँछ तर ७२ अर्ब कर नतिर्ने संस्थालाई सरकारले किन कारबाही गर्न सक्दैन ? यदि समयै कर नतिरे टावर ध्वस्त पार्न मात्र होइन यस्ता संस्थालाई नेपालको माटो बाटै विलय गराउँछौँ । ” यस भन्दा अघि पनि टावर हान्दै आएको र अजै पनि कर नतिरे हान्ने उनले उनले चेतावनीसमेत दिएका छन् ।
उसो त केही दिन अघि गुल्मी आएका नेकपाका केन्द्रीय सदस्य सन्देश पौडेलले पनि कर नतिरे र बाठो बन्न खोजे टावर ध्वस्त पार्न खुल्ला मञ्च बाटै चेतावनी दिएका थिए ।
खड्का सल्लेरी खबरका लुम्बिनी प्रदेश सम्बाददाता हुन् ।