समर लभमा न्युड सिन दिएकी हिरोइन् चर्चामा (फोटो / भिडियो सहित)

आउँदो भ्यालेन्टाइन डेमा प्रदर्शन हुने चलचित्र ‘समर लभ’को ट्रेलर सार्वजनिक भएको छ। लेखक सुविन भट्टराईको उपन्यास ‘समर लभ’मा आधारित भएर निर्माण भएको सो फिल्मको ट्रेलरमा यस फिल्मकी नायिका रेवती क्षेत्रीको न्यूड सिनको चर्चा बढ्न थालेको छ ।

नेपाली सिनेमा क्षेत्रमा कलाकारहरुको उदारता बिस्तारै खुल्दै गएको छ । जसमा कलाकारहरुको इन्टिमेट दृश्यदेखि लिएर किसिङ सीनसम्म रहेका छन् । पछिल्लो समय नेपाली दर्शकहरुले भने इन्टिमेट दृश्य किसिङ सीनलाई सहजताका साथ अपनाएको पाईन्छ । आजसम्म जति पनि त्यस्ता दृश्यहरु फिल्ममा राखिइको छ त्यसमा नायिकाहरु बढि आलोचित हुँदै आएका छन् जसको हालै डेब्यु नायिका रेवती क्षेत्रीले आपत्ति जनाएको छिन् । रेवती तीनै नायिका हुन जसले समर लभ फिल्ममा न्युड दृश्य दिएकीछिन् ।

यसबारेमा बोल्दै रेवतीले आफुले दिएको न्युड दृश्यमा नेगेटिभ चर्चा बढि भएको सुन्नमा पाएको भन्दै आपत्ति जनाएकीछिन् । उनले भनिन् “फिल्ममा कुनै नायकले जिउ देखाउँदा किन प्रश्न गरिँदैन ? जहाँ एउटा नायकले सर्ट खोलेर जिउ देखाउँन सक्छ तर एउटी नायिकाले बाथटपमा नुहाईरहेको ,इमोस्नल सीन गर्दा त्यसमा किन न्युडीटीको परिभाषा दिईन्छ ?”

फिल्ममा काम गर्दा उक्त दृश्यको बारेमा आफुलाई पहिले नै थाहा भएको र स्क्रिप्टको डिमाण्ड अनुसार आफुले काम गरेको उनी सुनाउँछिन् । उनी भन्छिन् “मैले दिएको सीनमा न्युडीटी देख्दिन । म त त्यसलाई एउटा व्युटी देख्न चाहान्छु” । भारतमा मोडलिङ गरिरहेकी रेवतीले फिल्ममा डेब्यु नायक आशिष पियासंग इन्टिमेट दृश्यसमेत दिएकीछिन् ।

सो फिल्मको ट्रेलरमा रेवतीको बाथटबमा दिएका न्युड सिन समावेश गरिएको छ । उनी प्रमुख भूमिका अर्थात् ‘साया’को भूमिकामा छिन् ।रेवती इण्डियाको तर्फबाट मिस इन्टरनेसनल विजेता हुन् । उनले बलिउडका थुप्रै फिल्म गरेकी छन् । ‘ग्याङग्स अफ नर्थवेस्ट’, ‘खातुन’ र ‘ह्याप्पी फिर भाग जाएगी’ जस्ता ठूला फिल्ममा समेत अनुभव संगालेकी छन् ।

युवा लेखक सुविन भट्टराईद्वारा लिखित चर्चित उपन्यास ‘समर लभ’कै नाम बाट राखिएको यो चलचित्रका निर्देशक मुस्कान ढकाल हुन् । नेपाल र नर्वेमा छायांकन भएको यस फिल्म नाइटिंगेल इन्टरटेनमेन्टको ब्यानरमा तयार भएको हो ।

फिल्ममा सामीप्यराज तिमल्सेनाको पटकथा रहेको छ भने पुष्पन प्रधानको संगीत र फिल्मको संवाद भने लेखक सुबिन र सामीप्यले संयुक्त रूपमा तयार पारेका हुन् । साया र अतीतको प्रेम तथा तड्पाईको कथामा आधारित फिल्ममा सुस्मिताको भूमिका नायिका नम्रता सापकोटा, किरणको भूमिकामा शिशिर भण्डारी, प्रतिक्षाको भूमिकामा अभिषा खनाल, अनुको भूमिकामा इन्दू भण्डारी र विद्याको भूमिकामा पूर्णिमा थापाले निर्वाह गरेका छन् ।सपन सरकार, ईन्दु भण्डारी र मनु बिकको संयुक्त लगानीमा तयार भएको फिल्मका कार्यकारी निर्माता विनोद अधिकारी हुन् ।

हेर्नुहोस् ट्रेलर:

https://youtu.be/BZW2nH-YQ7I

सुदर्शन बुढाथोकी