पछिल्लो समय नेपाली सिनेमाकर्मीहरु फिल्म प्रमोसनको लागि नयाँ नयाँ तरिकाहरु अपनाउँन थालेका छन् । जसले गर्दा दर्शकहरुसमक्ष फिल्मको पब्लिसिटी पनि काईदै तरिकाले हुने गर्छ । यसबीचमा स्वस्तिमा खड्का स्टारर फिल्म बुलबुले पनि फिल्म प्रमोसनको नयाँ शैली लिएर आएको छ ।
यस फिल्मले टिजर देखि लिएर गीत रिलिजसम्ममा नयाँ शैली अपनाईरहेको निर्माण टिमले एक नयाँ भिडियो सार्वजनिक गरेको छ । जहाँ स्वस्तिमाले स्वस्तिमा कै अन्तरवार्ता लिएकीछिन् । फिल्ममा टेम्पो चालक बनेकी स्वस्तिमाको भिन्न स्वरुप देख्न सकिन्छ ।
यस वर्षको भ्यालेनटाइन डेको अवसर पारेर रिलिज हुने यो चलचित्रमा स्वस्तिमा खड्का र मुकुन भुसालको मुख्य भूमिका रहेको छ । फिल्ममा मुकुनले गुल्मी, प्यूठान, पाल्पा तथा अर्घाखाँचीतिर बोलिने भाषिकाको प्रयोग गरेका छन् भनेस्वस्तिमा टेम्पो ड्राइभरको रुपमा देखिएकी छिन् ।
चलचित्रको निर्माण अविरल थापा, भीम थापा, राजु पौडेल र पुरुषोत्तम पाण्डेले गरेका हुन् । यस्तै फिल्ममा कथा, पटकथा र निर्देशन विनोद पौडेलको रहेको छ ।
चलचित्रमा स्वस्तिमा र मुकुनका अतिरिक्त जोयस पाण्डे, लक्ष्मी बर्देवा, दीपक क्षेत्री, एलिना कार्की लगायतका कलाकारले अभिनय गरेका छन् ।यो चलचित्र आउँदो फागुन ३ गतेदेखि नेपालभर प्रदर्शन हुँदैछ ।
हेर्नुहोस् भिडियो:
https://youtu.be/tRYjnRwAurc
