समुन्द्र सतहबाट ४४६ मी देखी १७०५ मी उचाइमा रहेको यस भेडेटार गा.वी.स. धनकुटा जिल्लाको २८ वटा गा.वी.स. मध्येको एक रमणीय र मनमोहक ठाँऊ हो । पोखरा पछिको बढी पानी पर्ने ठाँऊ र विश्वको घुम्नै पर्ने १२औ गन्तव्य स्थान मध्येको एक हो भेडेटार जहाँ छिनछिनमै मौसम परिवर्तन हुने गर्दछ ।
पर्यटकीय गन्तव्यको खानी भेडेटार धरान बजारबाट १६ कि.मीको दुरीमा अवस्थित छ । जहाँ विभिन्न पर्यटकीय गन्तव्य स्थानहरू छन् । जसमध्येको एक हो धरान धनकुटा राजमार्गको पूर्व दक्षिण भेडेटार बजारबाट करिब ६ कि.मी उत्तर वडा नं. ३ र ५ को सिमानामा बग्ने सिम्सुवा खोलाको शिर अर्थात नमस्ते झरना पर्यटकीय आर्कषर्णको केन्द्र विन्दु बनेको छ ।
करिब ५० मीटर माथिबाट खस्ने यो झरना स्थानीय पर्यटक व्यवसायीहरुको संरक्षण र प्रबर्दनमा रहेको छ । राजमार्गबाट झरना सम्म सजिलै आवतजावत गर्न सुलब र व्यवस्थित बाटो बनाइएको छ । यस स्थानमा दैनिक हजारौको संख्यामा आन्तरिक तथा बाह्य पर्यटकहरुको घुईचो लाग्ने गर्दछ ।
सल्लेरी खबरका फोटो पत्रकार शंकर भुजेलले कैद गरेका तस्बिरहरु
