१५ पौष, सल्यान- ईन्द्र बहादुर बुढाथोकी
नेपालगन्जबाट रुकुम चौरजाहारिका लागि छुटेको ना ४ ख ७१४६ नम्बरको बस सल्यानको बनगाड कुपिण्डे नगरपालिका वडा न ५ मा नाथेखाेला बजार नजिकै कल्भटमा भन्ने स्थानमा पल्टिँदा ५ जना घाइते भएका छन ।
घाइते हुनेहरुमा बनगाड कुपिण्डे नगरपालिका-५ की १३ वर्षिया रिता नकाल, कुमाख गाउपालिका-५ कि दिलमाया रोकाय, रुकुम चौरजहारी नगरपालिका-१ की ३१ वर्षिय प्रेमकला न्यौपाने , चौरजहारी नगरपालिका-१ की २६ वर्षीय प्रमिला पुन, सोही स्थानकी ३८ वर्षीय मिना मल्ल घाइते भएको छन। घाइते सबैको जनबन्धु पोलिकिल्निक सल्लीबजारमा उपचार भैरहेको ईलाका प्रहरी कार्यालय सल्लीबजारको इन्चार्ज सुशील रावलले जानकारी दिएका छन । घाइते सबैको अवस्था सामान्य रहेको बताएको छ । बसमा ४० जना सवार रहेको र अन्य यात्रु भने सकुशल रहेका छन । गाडी चालक भने फरार रहेका छन ।
