भारतीय गायक गजेन्द्र वर्मा नेपाल आउने भएका छन् । काठमाण्डौ स्थित क्लब डेजाभूमा क्रिसमसको अवसरमा आयोजना हुन लागेको क्रिसमस इभमा गजेन्द्रले लाईभ गाउँने भएका हुन् ।उनले “तुने मेरे जाना” र “तेरा घाटा” जस्ता चर्चित गीत गाएका छन्।
मेड्ली इभेण्ट र डार्क हर्स इभेन्टको संयुक्त्त आयोजनामा उनी क्रिसमस इभ अर्थात डिसेम्बर २४ मा आयोजना हुने ’गजेन्द्र वर्मा लाइभ इन नेपाल’ मा प्रस्तुति दिन उनी नेपाल आउँने भएका हुन् । कभर गीतसंगै आफनो सोलो गीत गाएका गजेन्द्रलाई दर्शक तथा श्रोताहरुले निकै रुचाएका थिए । पछिल्लो समय तेरा घाटा बोलको गीत त विश्वभर नै भाईरल भएको थियो ।
उनको लाईभ कार्यक्रम हेर्नका लागि १५ सय , २५ सय र ३५ सय दरमा टिकट काटेका छन् । गजेन्द्र नेपाल आउँने भएपछि उनी निकै उत्साहित भएको आयोजकले बताएको छ । उनी सोमबार नेपाल आउँनेछन् र राजधानीको कार्यक्रम सकेर उनी धरान पनि जाने कार्यक्रम तय भएको छ ।
