थाइल्याण्डको बैंककमा आज सम्पन्न फाइनल प्रतिस्पर्धामा फिलिपिन्सकी २४ वर्षीया क्याट्रिओना ग्रेले मिस युनिभर्स २०१८ को उपाधि जितेकी छिन् ।
त्यसैगरी दक्षिण अफ्रिकाकी तमारिन ग्रिन फस्ट रनरअप भएकी छन् भने र सेकेन्ड रनरअप भेनेजुयलाकी स्थेफानी गुइटेरेज भइन् ।
नेपालबाट सहभागी मनिता देवकोटा टप टेनमा पुग्न सफल भएकी छन्। अन्तिम प्रतिस्पर्धामा देवकोटा यसअघि एसिया तथा अफ्रिका क्षेत्रका उत्कृष्ट पाँच प्रतिस्पर्धीमा पर्न सफल भएकी थिइन् ।
प्रतियोगितमा अमेरिका, युरोप र एसिया प्यासिफिक तथा अफ्रिका गरी तीन महादेशका उत्कृष्ट पाँच छनौट गरी १५ जना र पाँचजना वाइल्ड कार्डमार्फत् गरी टप २० छनौट गरिएको थियो ।
फिलिपिन्सले यो प्रतियोगिताको ताज चौथो पटक जितेको हो । यसअघि सन् २०१५, १९७३ र १९६९ मा पनि फिलिपिन्सले मिस युनिभर्सको ताज जितेका थियो । यसअघि विश्व सुन्दरी प्रतियोगितामा भाग लिएकी श्रृंखला खतिवडा टप १२ सम्म पुगेर बाहिरिएकी थिइन् ।
