भारतका टप उद्योगपति मुकेश अम्बानीको परिवार हाल उदयपुरमा छोरीको विवाहमा झुमिरहेको छ ।शनिवार भएको भब्य संगीत सेरेमोनीमा भाग लिन ठुलो संख्यामा बलिउड हस्ती उदयपुर पुगेका थिए । यहि समारोहमा सहभागी हुन सलमान खान समेत उदयपुर पुगेका छन् । अहिले भारतको उदयपुरको होटल उदय विलासमा विवाह अघिका कार्यक्रमहरु चलिरहेका छन ।
डिसेम्बर ९ मा ईशा अम्बानीको संगितको कार्यक्रम भएको थियो । जहाँ अमेरिकन पप स्टार वियोन्सेले एक रातको १५ करोड रुपैयाँ पारिश्रमिक लिएर प्रस्तुती दिएकी थिइन भने बलिउडका स्टार शाहरुख खान उनकी पत्नी गौरी खान, ऐश्वर्या राय बच्चन र अभिषेक बच्चन, आमिर खान जस्ता कलाकार समेत नाचेको थिए ।
यसैबीच सामाजिक संजालमा सलमान खानको एक यस्तो भिडियो सार्वजनिक भयो जुन भिडियोले सलमानका फ्यानहरुलाई आश्चर्य चकित बनाएको छ । यस भिडियोमा अम्बानीका छोरा अनन्त अम्बानीकी प्रेमिका नाचिरकेकी छिन भने उनका साथमा बलिउडका दवंग सलमान खान नाचिरहेका देखिन्छन ।
यसैबीच जब अम्बानीका छोरा अनन्त अम्बानी गितार लिएर स्टेजमा आउँछन । त्यसपछि सलमान खान पछि हट्दै अनन्त र उनकी प्रेमिकाको पछाडी गएर नाच्न थाल्छन ।
भिडियोमा सलमान खानले निलो रंगको शुट लगाएका छन भने स्टेजमा शाहरुख खानको फिल्म ‘कुछ कुछ होता हे’ को गित ‘मुझको क्या हुवा हे’ मा अनन्त अम्बानी अगाडी आएर प्रेमिकाका साथ नाचिरहेका छन भने सलमान खान पछाडी रहेका ब्याकग्राउण्ड डान्सरहरुका साथ नाचिरहेका छन । बलिउडका टाइगर सलमान खान यसरी नाचिरहेको भिडियो सामाजिक संजालमा भाइरल भइरहेको छ ।
ईशा अम्बानीको संगीत कार्यक्रममा सलमान, शाहरुख खान, अमिर खान, कैटरीना कैफ र ऐश्वर्या राय लगायतले आफ्नो प्रस्तुती दिएका थिए । अम्बानी व्यवसायी आनन्दसँग यही डिसेम्बर १२ मा विवाह बन्धनमा बाँधिदै छिन् ।
