हेमराज बिसी निर्देशित फिल्म ‘द ब्रेक अप’ को दोस्रो गीत सार्वजनिक भएको छ। ‘हरपल’ बोलको भिडियोमा आशिरमान र शिल्पाको रोमान्टिक दृश्यहरु शमाबेश गरिएको छ।
अष्ट्रेलियामा छायांकन गरिएको ‘हरपल’ बोल रहेको गीतको भिडियोमा फिल्मका मुख्य कलाकार आशिरमान र शिल्पाले खुलेरै लिपलक किस सिन दिएका छन्।
पौष २७ गतेबाट रिलिज हुन लागेको चलचित्र ‘द ब्रेकअप’मा आशिरमान र शिल्पा सँगै रेमनदास श्रेष्ठ, इच्छा कार्की, सरोज खनालको पनि मुख्य भूमिका छ। हेमराज वीसीको कथा, पटकथा तथा निर्देेशन रहेको छ।
विराज गौतमको स्वर र संगीत रहेको गीतमा प्रकाश मल्लको शब्द छ। फिल्ममा रुपक थापा, दिपक खतिवडा, रेनु राना, हेमराज वीसीको लगानी छ। गीतमा नरेन्द्र मैनालीको छायांकन, सुरेन्द्र पौडेलको सम्पादन रहेको छ।
हेर्नुहोस् भिडियो:
प्रतिक्रिया दिनुहोस्