२०७३ को प्रतिच्छित फिल्म ‘लुट २’ को ट्रेलर सार्वजनिक(हेर्नुहोस भिडियो)

फागुन १३ गतेबाट देशव्यापी प्रदर्शनमा आउन लागेको बर्ष २०७३ को प्रतिच्छित चलचित्र “लुट २”को ट्रेलर सार्वजनिक गरिएको छ । बिहिबार राजधानीमा एक कार्यक्रमका बीच निर्माणपक्षले चलचित्र “लुट २”को ट्रेलर सार्वजनिक गरेको हो ।ट्रेलरमा द्वन्द्व अनि सस्पेन्सलाई प्राथमिकता दिईएको छ । ट्रेलरले दर्शकलाई फिल्मप्रति कौतुहलता समेत सृजना गर्छ । सार्वजनिक ट्रेलरमा हाकु कालेले बैंक लुटेर धोका दिएपछि नरे, गोफ्ले, पाण्डे र खत्री लगायतले कसरी हाकु कालेलाई दुख दिन्छन् भन्ने देखाउन खोजिएको छ ।

सौगात मल्ल, कर्म, दयाहाङ राई, ऋचा शर्मा, विपिन कार्की, कामेश्वर चौरसिया लगायतका कलाकारहरुको अभिनय रहेको चलचित्र ‘लुट २’ को कथा, पटकथा तथा निर्देशन निश्चल बस्नेतको हो । माधव वाग्ले र नरेन्द्र महर्जनको लगानीमा निर्माण भएको चलचित्र ‘लुट २’ २०६९ सालमा प्रदर्शनमा आएको ब्लकबस्टर चलचित्र ‘लुट’को दोस्रो भाग हो ।

निर्देशक निश्चलले यसअघि नै पहिलो सिक्वेल ‘लुट’को विषयवस्तु भन्दा केहि भिन्न कथामा तयार भएको बताईसकेका छन् । ‘फिल्मले ‘लुट’ले छाडेको कथालाई निरन्तरता दिनेछ सँगसँगै पछिल्लो समय जनताहरु मारमा परेको ‘भूकम्प, नाकाबन्दी, अपराधका घटनाहरुलाई पनि फिल्मले पर्दाफास गर्नेछ; निश्चलले सुनाए ।

हेर्नुहोस  ट्रेलर…

https://youtu.be/nX2fcXN_Yks

सुदर्शन बुढाथोकी