भारतीय अभिनेत्री प्रियंका चोपडाको प्रोडक्शन हाउस पर्पल पेबल पिक्चर्सको ब्यानरमा निर्माण गरिएको नेपाली फिल्म पाहुनाको ट्रेलर सार्वजनिक भएको छ । ट्रेलर निकै कारुणिक छ भने यसले द्धन्दकालको घटनालाई पनि स्मरण गराउँछ । ट्रेलरमा फिल्मका मुख्य पात्र इसिका गुरुङ र अनमोल लिम्बुको अभिनय निकै मन छुने छ ।
सार्वजनिक भएको ट्रेलरमा आमा बुवाबाट बिछोडिएका दुई बालबालिकाको कथा देखाइएको छ । ट्रेलरमा दिदी र दाइले भाइको सुरक्षाका लागि के–के गरेका छन् भन्ने कुरा देख्न सकिन्छ ।
सिनेमामा इशिका गुरुङ, अनमोल लिम्बू, मन्जु केसी, सरण राई, विनोद प्रधान, उत्तम प्रधान र बनिता लागुनको मुख्य भूमिका रहेको छ । पर्पल पेबल पिक्चर्सको ब्यानरमा निर्माण भएको यस सिनेमाको सह निर्माताको रुपमा चिल्डे्रन्स फिल्म सोसाइटी इन्डिया रहेको छ । सिनेमालाई पाखी ए तराइवालाले निर्देशन गरेका हुन् ।यो फिल्म डिसेम्बर ७ अर्थात मंसिर २१ मा रिलिज हुँदैछ।
हेर्नुहोस् ट्रेलर:
https://youtu.be/mGew2j65ST4
