नेपाली चलचित्र ‘प्रेमलीला’को पहिलो गीत ‘जाने क्या हुवा ए..’ बोलको गीत सार्वजनिक भएको छ । नायिका दीपशिखा खड्का र भारतीय मोडल अलि खानको मुख्य भूमिका रहेको चलचित्र प्रेमलीलाुको पहिलो गीत सार्वजनिक भएको हो ।
सार्वजनिक गीतको भिडियोमा दीपशिखा र अलि फिचर्ड छन् भने पबन गौतमको छायाङ्कन, चन्दन दत्त र सालिक दुलालको सम्पादन, रामजी लामिछानेको कोरियोग्राफी रहेको छ । डाक्टर सागरको शब्दमा रवि राज शाहको सङ्गीत रहेको उक्त गीत राजा हसन र सौमी शैलेशले गाएका हुन् ।
चलचित्रमा दीपशिखा र अलिसँगै मौसम खड्का, सुरज तमु, रेखा शाह, शर्मिला शर्मा, भारतीय कलाकारहरू अर्चना शुक्ला, ट्वीकंल श्रीवास्तव लगायत रहेका छन् । नायिका खड्का कै कथा तथा लेखन रहेको चलचित्रलाई जनक पाण्डेले निर्देशन गरेका हुन् । चलचित्रमा नानीमैया कार्की र फैजिल फिल्म्सको लगानी रहेको छ । सुनिल मानन्धरले वितरण गर्न लागेको चलचित्र माघ २५ बाट देशभर रिलिज हुनेछ ।
हेर्नुहोस् भिडियो :
https://youtu.be/-wlAOMHzrIo
