अभिनेत्री मनीषा कोइरालाको आत्मवृत्तान्त डिसेम्बर १५ मा सार्वजनिक हुने भएको छ। क्यान्सर सँगको संघर्षका विषयमा लेखिएको यो पुस्तक मनिषाले लेखक निलम कुमार सँग मिलेर तयार पारेकी हुन्। भारतकी बेस्ट सेलर लेखक निलम कुमारका आठ पुस्तक प्रकाशित भइसकेका छन्।
Overcoming cancer has been a lesson in self discovery and learning to love life again!! Dear friends,presenting you my book 💕🙏🏻💕 https://t.co/Nb8Gi19GFx pic.twitter.com/aPsH2WERzq
— Manisha Koirala (@mkoirala) November 10, 2018
मनिषाले आफ्ने पुस्तक डिसेम्बर १५ मा सार्वजनिक हुने ट्विटरमार्फत् जानकारी गराएकी हुन्। पुस्तक सार्वजनिक हुने जानकारी ट्विटरमा राख्दै मनीषाले भनेकी छन्, ‘क्यान्सरमाथि विजय प्राप्त गर्नु आत्मसाक्षात्कारको पाठ र जीवनलाई फेरि प्रेम गर्न सिक्ने माैका बनेको छ।’
पुस्तकको मूल्य भारु ३४७ रुपैयाँ रहेको छ। मनीषाले आफ्नो पहिलो पुस्तकको नाम ‘हिल्ड: हाउ क्यान्सर गेभ मी अ न्यू लाइफ’ राखेकी छन्। अंग्रेजी भाषाको पुस्तक भारतको पेन्गुइन प्रकाशनले बजारमा ल्यउन लाागेको हो।
