मङ्सिर २८ गते प्रदर्शन हुन लागेको चलचित्र सुश्री सम्पत्तिको नयाँ गीत सार्वजनिक भएको छ । मङ्गलवार भक्तपुरमा आयोजना भएको एक विशेष समाहरो बिच चलचित्रको नयाँ गीत सार्वजनिक गरिएको थियो ।सार्वजनिक झुम्की हरायो बोलको गीतमा मिना निरौला र राजन इसानको स्वर रहेको छ भने सुरेश अधिकारीको शब्द तथा सङ्गीत रहेको छ । कविराज गहतराजको कोरियोग्राफीमा तयार भएको गीतमा अभिनेत्री प्रियङ्का कार्कीको आइटम नृत्य रहेको छ। गीतमा प्रियङ्कालाई चलचित्रका नायकहरू प्रमोद अग्रहरी, विनोद न्यौपाने, सलोन बस्नेतले साथ दिएका छन् ।
मङ्गलवार भक्तपुरमा आयोजना गरिएको गायक दीपक बर्जचार्यको म्युजिकल कन्सर्टमा गीत सार्वजनिक गरिएको थियो । उक्त कन्सर्टमा दीपकले आफ्ना दर्जनबढि गीतहरू गाएर दर्शकलाई झुमाएका थिए । पछिल्लो समयको दीपकको स्वरमा रहेकाको चर्चित गीत मन मगनका निर्देशक हुन् सुर्वतराज आचार्य । लामो समय संचारकर्ममा आबद्ध रहेका सुुर्वतले सुश्री सम्पत्तिको निर्देशन गरेका हुन्। चलचित्रमा विनोद, सलोन, प्रमोदको अलावा सारा श्रीपालिको मुख्य भूमिका रहेको छ भने अभिनेत्री प्रियङ्का कार्कीको यसमा विशेष भूमिका रहेको छ । चलचित्रलाई रमेश तावा ना, विज्ञान राई, न्युुनम सुब्बा, रोमन शिलाकारले संयुुक्तरुपमा लगानी गरेका हुन् । यसअघि चलचित्रको हुकुम गीत रिलिज भइसकेको छ ।
हेर्नुहोस् भिडियो:
https://youtu.be/dc535qzpUOQ
