बहुचर्चित संगीतकार अर्जुन पोखरेलको संगीत रहेको फिल्म ‘पासवर्ड’ को ‘आजको साम बेबी’ गीतमा बलिउड सुन्दरी सन्नी लियोनीले न्रित्य गर्दै छिन् । सन्नीले उक्त गीत सुनेर आफु निकै उत्साहित रहेको भन्दै ट्विट गरेकी छिन् । उनले लेखेकी छिन्, ‘बहु प्रतीक्षित नेपाली फिल्म पासवर्डमा समावेश एक डान्सिङ फ्लेभरको गीतसंग जोडिन पाउँदा म निकै खुसी छु ।
I am so happy to be part of this amazing dance Number from the most awaited upcoming Nepali Film “Password” !!
Produced by AB INTERNATIONAL and ODDBALL MOTION PICTURES.#Password #NepaliFilm #ABInternational@OddballIndia @iNitinUpadhyaya @ASRspeaks— Sunny Leone (@SunnyLeone) November 1, 2018
सनीले नेपाली फिल्म गर्ने खबरले नै मिडियामा तरंग ल्याएको थियो । शुक्रवार उनले आफ्नो आधिकारिक ट्विटरमा एक स्टाटस नै लेखेर नेपाली फिल्म खेल्न लागेको औपचारिक जानकारी दिइन् । उनले आफ्नो स्टाटसमा ‘नेपाली फिल्म’ उल्लेख गर्दै ‘’बहुप्रतिक्षीत फिल्म ‘पासवर्ड’’ लेखेकी छन् । उनले फिल्मको डान्स नम्बर सुनेर उत्साहित भएको पनि बताएकी छन् ।
उनको उक्त स्टाटस अहिले नेपाली सञ्चारमाध्यममा राम्रो मसला बनेको छ । विश्वले चिनेको अभिनेत्रीले नेपाली फिल्ममा काम गर्न लागेको र गीत सुनेर उत्साहित भएको बताउनु पनि ठूलो कुरा हो । चलचित्रकर्मीहरु यसलाई नेपाली फिल्म क्षेत्रका लागि सुखद कुरा रहेको बताउँछन् । सनीले ठुम्का लगाउन लागेको गीत चर्चित संगीतकार अर्जुन पोखरेलले तयार पारेका हुन् ।
अर्जुनको संगीत रहेको उक्त गीतमा दुर्गा खरेलको स्वर रहेको छ भने एरेन्ज महाराज थापाले गरेका हुन । गीतमा शब्द विक्रम जोशीको रहेको छ । जोशी फिल्मका निर्माता समेत हुन् । अमित बस्नेत र हिरल जोशीको समेत लगानी रहेको फिल्ममा छुल्ठिम गुरुङ, बुद्धि तामाङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परी राना लगायतको अभिनय रहने छ । लण्डनसँगै बर्नमाउथ र ससेक्स लगायतका स्थानहरुमा फिल्म खिचिने बताइएको छ ।
२०१९ को सुरुवातमा रिलिज टार्गेट गरिएको फिल्ममा सन्निले एक आइटम दृश्य दिनेछिन् भने फिल्ममा केही सिन हुनेछ । एबि इन्टरटेन्मेन्ट र अडबल मोसन पिक्चर्सको ब्यानरमा बन्ने फिल्मलाई सौरभ लामाले खिच्नेछन् भने कोरियोग्राफी रामजी लामिछानेको रहने छ ।
