काठमाडौं शंखमुलको अवार्नेस इन्टरनेशनल एकेडेमी (एआईए)को टिमले फेरी अर्को ज्ञानवर्दक गीत बजारमा ल्याएको छ ।केहि समय अगाडी ह्रस्व दीर्घका नियम सिकाउने गीत सार्बजनिक गरेको सो स्कुलले अहिले भने नयाँ तिहार गीत बजारमा ल्याएको हो । अहिलेको गीतबाट समाजिक शिक्षा सिकाइएको छ ।
गीतमा सातवटा प्रदेश, स्थानीय तह, सातै प्रदेशमा उद्योग, कलकारखाना, पर्यटकीय क्षेत्र लगायतका विषय समेटिएको छ । यस गीतमा एआइए स्कुलका प्रवन्ध निर्देशक समेत रहेका विमल घिमिरेको शब्द रहेको छ । साथै शब्द संरचनामा खगेश्वर गिरी र कृष्ण प्रसाद गैरेले साथ् दिएका छन् भने संगीत राजकुमार घिमिरेले दिएका छन् ।
यस गीतको भिडियोको छायांकन स्कुल परिसरमै गरिएको हो भने कलाकारको रुपमा एआइए स्कुल परिवार रहेका छन् । यस गीतले प्राथमिकदेखि उच्च शिक्षा लिइरहेका समेतका लागि उपयोगी रहेको जनाइएको छ ।गीतलाई तिहारका देउसी भैलोको भाकामा तयार पारिएको छ ।
हेर्नुहोस् भिडियो:
