कलाकारहरु आफूले काम गरेका फिल्म फ्लप भयो भने, आशा गरेको फिल्मलाई आधा दर्जन फिल्म खेलेपछि पनि डेब्यू भन्दिन बेर लाउँदैनन् । डेब्यूको अर्थ नै कलाकारले बुझ्दैनन् ।
अभिनेत्री खड्का अभिनित फिल्मको छायाँकन भइरहेको छ । चलचित्रमा रहने ‘जाने क्या हुवा ए’ बोलको हिन्दी गीत केही दिन अगाडि पोखरामा छायाँकन गरिएको थियो । गीतमा अभिनेत्री खड्का र अभिनेता अली खानको अभिनय समेटिएको छ ।
प्रेमकथामा बनेको चलचित्र छायांकन गरिएको गीतमा वलिउड गायक राजा हसनको स्वर रहेको छ । चलचित्र खड्काले नै निर्माण गरेकी हुन् । अभिनेता खानको यो डेब्यु चलचित्र हो । उनी बलिउडबाट नेपाल भित्रिएका हुन् ।
अभिनेत्री दीपशिखा खड्कालाई नै हेरौँ । उनी पनि आफूले नै बनाएको ‘प्रेमलिला’ फिल्मलाई डेब्यू भनिरहेकी छिन् । यस अघिका फिल्म असफल भए होलान्, तर ती फिल्मका निर्माताले के सोचे होलान् ? के उनलाई डेब्यू गराएकोमा अब उनीहरुले पछुताउनु ?
दिपशिखाले प्रेमलिला फिल्मका लागि गर्नुसम्म मिहेनत गरेकी छिन् । उनले त, कपाल मुण्डन गरिन्, शरीरमा प्याक्स नै निकालेकी छिन् । दिपशिखालाई अहिले आफूले मुण्डन गरेकाले, हिरोको जस्तो ज्यान बनाएकाले दर्शकले फिल्म हेरिदिनुपर्छ भन्ने लाग्न थालेको छ ।
तर, दर्शकले उनलाई अघिका फिल्ममा नै क्लिक गरिदिएको भए उनले अहिले टाउकोको कपाल काटेको र ज्यान बनाएको कुरालाई प्रचार गर्नै पर्दैनथ्यो । दर्शकले आफैँ गरिहाल्थे ।
