बलिउड अभिनेत्री प्रियंका चोपडा र अमेरिकी पपस्टार नीक जोजसको इंगेजमेन्टपछि अब बिवाहको चर्चा सुरु हुन थालेको छ । उनीहरुको बिवाहको स्थानलाई लिएर बिभिन्नथरी अनुमान भइरहेका छन् ।
कसैले उनीहरुको बिवाह अमेरिकामा हुन्छन् भनिरहेका छन् भने कतिले इटलीमा हुन्छ भन्ने अुनमान लगाइरहेका छन् । तर अब भने प्रियंका–नीक बिवाहको सम्पूर्ण बिवरण बाहिर आएको छ ।
भारतीय चर्चित पत्रिका टाइम्स अफ इंडियाका अनुसार प्रियंका–नीकको बिवाह भारतीय परम्परा अनुसार हुनेछ । ३० नोभेम्बरबाट सुरु हुने बिवाहको कार्यक्रम २ डिसेम्बरसम्म चल्नेछ । बिवाह एकदमै भब्य समारोहको बिचमा हुने समाचारमा उल्लेख छ । बिवाह राजस्थानको जोधपुरमा हुनेछ । बिवाहको तयारीको लागि भनी नीक जोनस पनि भारत आइसकेका छन् । प्रियंका–नीकको इंगेजमेन्ट १८ अगस्टमा भएको थियो ।
