चाडबाड नजिकिएसंगै कलाकारहरु यतिबेला गीत बजारमा ल्याउनमै बढि ब्यस्त देखिएका छन् । यहि क्रममा लिला कवर (गुरुङ), चन्द्रा चलाउने,नेत्र भण्डारी र रामु खड्काको झ्याउरे गीत “नाँचैमा” बजारमा सार्वजनिक भएको छ।
‘नाँचैमा ‘ मा गाउँघरमा हुने पुजा लगायतका सांस्कृतिक कार्यक्रममा गरिने नाचगानलाई केन्द्रित गरेर गीत तयार पारिएको छ । माया गर्ने जोडीले आफ्नो मनको भावलाई गीतमार्फत प्रस्तुत गरेको कथालाई समेट्दै रमाईलो भिडियोमा दर्साईएको छ ।उक्त गीतमा गायक, गायिका स्वयंको शब्द रहेको छ भने ध्रुव धितालको संगीत रहेको छ। 
यस गीतको भिडियोमा गायक, गायिकासंगै सुमन परियार,कृष्ण रेउले, रिना थापामगर र निसा शाहीको अभिनय तथा नृत्य देख्न सकिन्छ । भिडियोलाई करन चैसिरले खिचेका हुन् भने सम्पादन प्रबिन भट्टले गरेका छन् भने मौसम हिमालीले निर्देशन गरेका छन् ।
पछिल्लो समयमा लोकदोहोरी गीतमा सहकार्यमार्फत मिठामिठा गीतहरु बजारमा ल्याउदै दर्शक, श्रोताको मन जित्न सफल भएको यो टीम नाँचैमालेपनि दर्सक, श्रोताको मन जित्नेमा बिश्वस्त छन् । फोर जी ग्रुप नेपालको अफिसियल युट्युवमार्फत भिडियो सार्वजनिक गरिएको छ ।
हेर्नुहोस् भिडियो:
https://youtu.be/BIQC3vQdOLs
