चलचित्र ‘प्रसाद’को दोस्रो गीत ‘बनकी चरी’ सार्वजनिक

चलचित्र ‘प्रसाद’को नयाँ गीत सार्वजनिक भएको छ । पहिलो गीत ‘लै लै’ले पाएको चर्चासँगै चलचित्रको दोस्रो गीत ‘बनकी चरी’ आइतबार सार्वजनिक भएको हो । काठमाडौँमा आयोजना गरिएको कार्यक्रम बिच चलचित्रको गीत सार्वजनिक गरिएको थियो । लोकलयमा बनेको गीतमा गायक रुपक डोटेल र अन्जु पन्तको स्वर रहेको छ । भिडियोमा भने चलचित्रका कलाकार विपिन कार्की गायकको रूपमा प्रस्तुत भएका छन् । दोहोरी साँझको माहौल रहेको भिडियोमा विपिन गायकको रूपमा छन् भने चलचित्रका अर्को अभिनेता निश्चल बस्नेतले नृत्य गरेका छन् । निश्चललाई मोडल अञ्जली अधिकारीले साथ दिएकी छिन् ।
मंसिर २१ गतेबाट प्रदर्शन हुन् चलचित्र प्रसादमा निःसन्तान दम्पत्तीको कथा उठाइएको छ । चलचित्रमा अभिनेता विपिन कार्की र अभिनेत्री नम्रता श्रेष्ठ जोडीको रूपमा देखिएका छन् भने निश्चल बस्नेतको पनि मुख्य भूमिका रहेको छ । चलचित्रलाई दिनेश राउतले निर्देशन गरेका हुन् । सुशील पौडेलको लेखन रहेको चलचित्रमा लगानी सुभाष थापाको रहेको छ । चलचित्रमा राजेश श्रेष्ठको छायाङ्कन, लोकेश बज्राचार्यको सम्पादन, शिव विकको कोरियोग्राफी रहेको छ ।

हेर्नुहोस् भिडियो:

https://youtu.be/gs1otCbL9Mc

सुदर्शन बुढाथोकी