अभिनेता अनमोल केसीको चलचित्र प्राय रिलिज मितिको कारण चर्चामा आइरहन्छ । यस अघि कृ ले आफ्नो रिलिज मिति धेरै पटक पोसपोण्ड गरेर माघमा रिलिज भएको थियो भने अब नयाँ चलचित्र क्याप्टेन फागुनमा रिलिज हुने भएको छ । लगातार रिलिज मिति सारेको यो चलचित्रले निर्माण टिमले अब फागुन १७ गते रिलिज गर्ने घोषणा गरेको छ । चलचित्र टिमले महाशिवरात्रीको अवसर पारेर चलचित्र प्रदर्शन गर्न लागेको हो । 
चलचित्रमा अनमोल एक फुटबल खेलाडीको भूमिकामा देखिएका छन् । यो चलचित्रमा अनमोलसँग दुई नव–नायिका उपासना सिंह ठकुरी र प्रियङ्का एमभीले डेव्यु गर्दैछन् ।
भिएफएक्सको अधिक प्रयोग हुने फिल्ममा अनमोलको अपोटिजमा दुई नव अभिनेत्री उपासना सिंह ठकुरी र प्रियंका एमभी छन् । भुवन केसी निर्मित ‘क्याप्टेन’ मा सुनिल थापा, सरोज खनाल, प्रशान्त ताम्राकार, विल्सन विक्रम राईलगायतका कलाकारहरुको पनि अभिनय छ ।चलचित्र क्याप्टेनलाई दिवाकर भट्टराईले निर्देशन गरेका हुन् ।
