जनक दीप पराजुलीको निर्देशन तथा उनकै कथामा बनेको मेघा टेली सिरियल ‘डियर जिन्दगी’ घटस्थापनाको दिन बाट प्रत्येक बुधबार साँझ नेपाल टेलिभिजनबाट प्रशारण हुने भएको छ। सोहि दिन बाट नै पिएनपी मिडिया यु ट्युब च्यानल मार्फत पनि यो सिरियल रिलिज हुनेछ।
कि इन्टरटेन्टमेन्टको प्रस्तुतिमा पिएनपी मिडियाको प्रोडक्सनमा निर्माण भएको मेघा टेलिसिरियल ‘डियर जिन्दगी’ को टाइटल गीत तथा ट्रेलर सार्वजनिक गरिएको छ ।
राजधानीमा एक कार्यक्रम गर्दै ट्रेलर तथा गीत सार्वजनिक गरिएको सिरियल दीप पराजुलीले निर्देशन गरेका हुन् । सुनिल थापा, पुस्करजंग थापा, श्रेया कार्की, सुष्मा कार्की, सुवाश पराजुली, अर्जुन गौतम, रामकृष्ण बिसी, डीबी बम्जन, एलिना खनाल, वसन्त पोखरेल, सुरेश काफ्ले लगायतका कलाकारको अभिनय उक्त सिरियलमा देख्न सकिन्छ । 
‘डियर जिन्दगी’ मा जनक दीप पराजुलीको गीत, जुनु गौतम र विल्सन श्रेष्ठको गायन र डिजे एलेक्सको संगीत सुन्न सकिन्छ। यस अघि निर्देशक जनकले थुप्रै म्युजिक भिडियोहरु, टेलि सिरियल, बिज्ञापनहरु र चलचित्र ‘प्रोड्युसर’ निर्देशन गरिसकेका छन्।
