बलिउड अभिनेत्री प्रियंका चोपडा र चर्चित अमेरिकी गायक निक जोनको विवाहको तयारी हुँदैछ । विवाहको तयारीका लागि दुई महिना अघि इनगेजमेन्ट गरेका उनीहरु विवाहको तयारीमा राजस्थान आएका छन् ।
इन्गेजमेन्टपछि अमेरिका गएका दुवैजना प्रेम सम्बन्धका कारण निकै चर्चामा छन् । अमेरिका भएकी प्रियंका प्रेमीसँगै भारत घर आएकी छिन् । दुवै चर्चित सेलिब्रेटी भएपनि प्रियंका बढी उमेर र निक कम उमेर भएका कारण चर्चामा आएका हुन् ।
मंगलबार प्रियंका र निक प्राइभेट जेटमा मुम्बईबाट राजस्थानको जोधपुर गएका छन् ।उनीहरु विवाहको तयारीमा भारत आएको बताइएको छ । जोडीको विवाह भारतको राजस्थानमा आयोजना गर्ने तयारीमा लागेको छ । विवाह व्यवस्थानका लागि टिमका साथ विवाहको कार्यक्रम र पाहुनाहरुको विषयमा छलफल गरेका छन् । 
प्रियंका आफ्नो विवाह जोधपुरको भव्य उम्मेद भवन प्यालेस र मेहरानगढ फोर्टमा गर्ने योजना बनाइरहेकी छिन् । विवाह व्यवस्थापन गर्नका लागि प्रियंका प्रेमी निक जोनसकासाथ मंगलबार जोधपुर पुगेका छन् ।प्रियंका र निक छिट्टै नै विवाहको मितिको टुंगो लगाउने छन् ।
