चलचित्र ‘ड्रिम गर्ल’को ट्रेलर सार्वजनिक भएको छ । यही आउँदो असोज १९ गतेबाट रिलिज हुने भनिएको यो चलचित्रले आफ्नो प्रदर्शन मिति सार्दै मङ्गलवार ट्रेलर रिलिज गरेको हो । काठमाडौँमा आयोजना भएको एक विशेष कार्यक्रम बिच निर्माण पक्षले चलचित्रको ट्रेलरसँगै नयाँ प्रदर्शन मिति घोषणा गरेको छ ।
ऋषिराज आचार्यको निर्देशन रहेको चलचित्रमा आकाशको अपोजिट रहेर नव नायिका आश्मा गिरी डेव्यु गर्दैछिन् । चलचित्रमा आकाश र आश्मा जोडीको रुपमा प्रस्तुत भएका छन् । त्यस्तै यो चलचित्रमा कलाकार विल्सन विक्रम राई भिलेनको भूमिकामा देखिएका छन् ।
आर बी मुभिज र रियल एन्ड रिल सिनेमाको संयुक्त लगानीमा बनेको चलचित्रमा आकाश, आश्मा र विल्सनको साथमा सरोज खनाल, अर्जुन श्रेष्ठ, लक्ष्मी गिरी, निर्मल शर्मा, सुरवीर पण्डित, पूजा पराजुली, शिशिर भण्डारी लगायतका कलाकारको मुख्य भूमिका रहेको छ । चलचित्रमा अर्जुन शर्मा, ऋषिराज आचार्य र रामेश्वर धितालको लगानी रहको छ ।फिल्म मङ्सिर ६ गतेबाट प्रदर्शनमा आउने छ ।
हेर्नुहोस् ट्रेलर:
https://youtu.be/N7h7HwnjKV0
