सल्यानमा ट्रयाक्टर दुर्घटना हुँदा एक जनाको मृत्यु भएको छ । दाङ सल्यान रुकुम सडकखण्ड अन्तर्गत जिल्लाको धनवाङ १ अरिङगालेफेदीमा उक्त ट्रयाक्टर दुर्घटनामा परेको हो ।
दुर्घटनामा परी ट्रयाक्टर सहचालक रुकुमको मुसिकोट नगरपालिका वडा नं. १ रातामाटा निवासी अन्दाजी २० वर्षका दिपक परियारको मृत्यु भएको जिल्ला प्रहरी कार्यालय सल्यानले जानकारी दिएको छ ।
गए राती नै ट्रयाक्टर दुर्घटना भए पनि आज बिहान मात्रै टयाक्टरले चेपिएर मृत्यु भएका ती सहचालक परियारको शव निकालिएको प्रहरी भनाई छ । भे १ त ५२९२ नम्बरको ट्रयाक्टर सडकबाट करिब २५ मिटर तल खसेको छ ।
ट्रयाक्टर कुन ठाउँ बाट कहाँ जान लागेको हो भन्ने कुरा खुल्न सकेको छैन । यसैबिच ट्रयाक्टर चालकलाई इलाका प्रहरी कार्यालय तुल्सीपुर दाङले नियन्त्रणमा राखेको छ ।
प्रतिक्रिया दिनुहोस्