दशैको फूलपातीदेखी अथार्त असोज ३० गते लाई प्रदर्शन मिति घोषणा गर्दै अशोक शर्मा निर्देशित चलचित्र ‘जय भोले ‘को चार पोस्टर सार्वजनिक भएका छन्। मंगलबार चलचित्र युनिट ले पोस्टर सार्वजनिक गर्दै चलचित्रको अफिसियल रिलिज मिति पनि घोषणा गरेको हो।
यसअघि यो फिल्म ‘छक्का पञ्जा ३’ सँग भिड्ने खबरले सिनेवृत तरंगीत बनेको थियो । आपसी समझदारी अनुसार ‘छक्का पञ्जा ३’ घटस्थापना र ‘जय भोले’ फूलपातीमा आउन तयार भएका हुन् । यस अघि दसैँमा रिलिज हुने भनिएता पनि अर्को चलचित्र छक्का पञ्जा ३ को कारण कति गते रिलिज हुने तय थिएन । निर्माता तथा निर्देशक अशोक शर्माका अनुसार चलचित्र असोज ३० गते यानिकि फुलपातीको दिनबाट रिलिज हुने भएको छ ।
यसअघि छक्का पञजा ३ले आफ्नो रिलिज मिति घटस्थापनाको दिन तय गरेको थियो ।चलचित्र जय भोलेलाई अशोक शर्माले निर्देशन गरेका हुन् । चलचित्रको सार्वजनिक ४ पोस्टरमा प्राय चलचित्रका अधिकांश कलाकारहरू फिचर छन् । खगेन्द्र लामिछानेको कथा र अभिनय रहेको चलचित्रमा स्वस्तिमा खड्का, सौगात मल्ल, सलोन बस्नेत, बुद्धि तामाङ, राजाराम पौडेल, बसुन्धारा भुषाल लगायतका कलाकारको अभिनय रहेको छ।
चलचित्रमा निर्माताका रूपमा किरण शर्मा, कृति शर्मा र अङ्कित शर्मा रहेका छन् । झापा र ईलाममा खिचिएको ‘जय भोले’ मा पुरुषोत्तम प्रधानको छायांकन, राजनराज सिवाकोटीकल्याण सिंहको संगीत, राज ढुंगानाको सम्पादन, बसन्त श्रेष्ठको नृत्य र रोशनविक्रम भट्टराईको एक्सन रहेको छ ।
