बलिवूड अभिनेता अक्षय कुमार । उनी अभिनयका कारण जति चर्चामा हुन्छन् त्यति नै चर्चा उनले सामाजिक क्षेत्रमा गरेको कामका कारण कमाउँछन् ।तर उनी आफ्ना सामाजिक कार्यहरुलाई मिडियादेखि टाढा नै राख्ने कोशिशमा हुन्छन् । तर पनि उनले सामाज सेवाका लागि गरेका कामहरु मिडियाबाट लुक्न सकेको छैन ।यतिबेला उनले एसिड आक्रमणमा बाँच्न सफल भएकी एक युवतीलाई आर्थिक सहयोग गरेका कारण चर्चामा छन् ।
भारतीय अभिनेता अक्षय कुमारले एसिडपीडित युवतीलाई पाँच लाख रुपैयाँ सहयोग गरेका छन् । अक्षयले एसिड आक्रमबाट पीडित बनेकी लक्ष्मी अग्रवाललाई सो रकम सहयोग गरेका हुन्।एसिड आक्रमणमा बाँच्न सफल लक्ष्मी अग्रवाल स्वयमले अक्षयले आफूलाई आर्थिक सहयोग गरेको कुरा सार्वजनिक गरेकी छिन् ।
‘लक्ष्मीले आफ्नो घरको भाडा, छोरी खर्च र रोजगारी खोज्न सकुन भनेर सहयोग गरेको हुँ’, उनले भने हामी सबैले यो बुझ्न जरुरी छ की मेडल, अवार्ड र सर्टिफिकेटले पेट पाल्न र घर चलाउनमा सहयोग गर्दैनन् । यदि हामीले कसैलाई सहयोग गर्नुछ भने त्यो व्यवहारिक हुनु जरुरी छ ।’ लक्ष्मी यतिबेला भारतको दिल्लीमा बस्दै आइरहेकी छिन् ।
