आगामी अस्कर अवार्डमा नेपालबाट फिल्म ‘पञ्चायत’ भिड्ने भएको छ । सन् २०१९ फेब्रुअरी २४ तारिख आइतबारका दिन अमेरिकाको लस् एन्जेलसको डल्बी थिएटरमा हुने ९१ औं अस्कर समारोहमा उक्त फिल्मलाई ‘उत्कृष्ट विदेशीभाषी फिल्म’ को विधामा भिड्न नेपालबाट पठाउन लागिएको हो । 
नेपालको तर्फबाट अस्करमा सहभागी हुन् तीन चलचित्र ’तान्द्रो’, ’पञ्चायत’, तथा ’माई लभ प्रोमिश फर काठमाडौँ’ दर्ता भएका थिए । जसमा ‘पञ्चायत छनोट भएको हो ।
२०७४ असोज १५ गतेभन्दा पछि तथा २०७५ साल असोज १४ गतेभन्दा पहिला नै सार्वजनिक प्रदर्शन गरिएका फिल्महरुले नेपालको छनोट चरणमा सहभागी हुन पाउने प्रावधान थियो ।
यो चलचित्रलाई शिवम अधिकारीले निर्देशन गरेका हुन् । चलचित्रमा सरोज खनाल, नीता ढुङगाना, रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजु बाबु श्रेष्ठ लगायतको अभिनय रहेको छ।
