सुनसरीमा गोली प्रहार गरी एक विद्यालय शिक्षकको हत्या गरिएको छ । भारतबाट आएको हतियारधारी समुहले गोली प्रहार गरेर हत्या गरेको हो ।
हत्या हुनेमा भुटाहा गाउँपालिका ३ का स्थानीय विद्यालयका शिक्षक मौलाना खुर्सिम आलम रहेका छन् । गोली लागि एकजना प्रहरी पनि घाइते भएका छन् । दुईजनाले आलमलाई गोली हानी भाग्ने क्रममा सीमा प्रहरी चेकपोष्टले थाहा पाएर रोक्न खोज्दा उनीहरुले प्रहरी माथि नै गोली प्रहार गरेका थिए ।
गोली लागि प्रहरी जवान शिव पौडेल घाइते भएको पनि सुनसरीका प्रमुख जिल्ला अधिकारी प्रेमप्रकाश उप्रेतीले जानकारी दिनुभयो । घटनास्थलमा प्रहरी भर्खरै पुगेकाले घटनाको थप विवरण आउन बाँकी रहेको पनि उहाँले बताउनुभयो ।
प्रतिक्रिया दिनुहोस्