अभिनेता विपिन कार्की, निश्चल बस्नेत र अभिनेत्री नम्रता श्रेष्ठको मुख्य भूमिका रहेको चलचित्र ‘प्रसाद’को पहिलो गीत सार्वजनिक भएको छ । यो लिरिकल भिडियोमा चलचित्रका केही दृश्यलाई राखिएको छ ।
गणेश शाहीको शब्द, सुवास भुसालको संगीत रहेको यस गीतमा केतन क्षत्रीको स्वर छ । चलचित्रमा अभिनेता विपिन कार्की र अभिनेत्री नम्रता श्रेष्ठ दम्पतीका रूपमा मुख्य भूमिकामा देखिएका छन् ।
निःसन्तान दम्पतीको माया र सम्बन्धलाई चलचित्रमा देखाइएको छ । लिरिकल भिडियोमा विपिनलाई कपडा सिलाउने दर्जीको भूमिकामा प्रस्तुत गरिएको छ । चलचित्रमा निश्चल बस्नेतसमेत प्रमुख भूमिकामा देखिएका छन् । चलचित्रको पटकथा तथा संवाद सञ्चारकर्मी सुशील पौडेलले लेखेका हुन् ।
सुवास थापाको निर्माणमा तयार भएको चलचित्रमा सन्तान सुख नपाउँदा उत्पन्न मानसिक, सामाजिक द्वन्द्वले आपसी सम्बन्धमा के–कस्तो असर निम्त्याउँछ भन्ने देखाउन खोजिएको छ। चलचित्र प्रसादलाई दिनेश राउतले निर्देशन गरेका हुन् । चलचित्र आउँदो २१ मंसिरबाट देशव्यापी प्रदर्शनमा आउने तयारीमा छ ।
हेर्नुहोस् भिडियो:
https://youtu.be/xfTQYSSxeLQ
