इन्डियन रियालिटी शो मध्ये सबै भन्दा कनट्रोभर्सियल तर रुचाइएको शो ”बिग बोस” हो । टेलिभिजन रियालिटी शो ‘बिग बोस’ सुरु हुन अब एक हप्ता मात्रै बाँकी छ । ‘बिग बोस’ सिजन १२ आउने हप्ताको सेप्टेम्बर १६ देखि सुरु हुन गइरहेको छ । यस सिजनमा सहभागी प्रतियोगीहरु मध्येबाट केही प्रतियोगीहरुको नाम सार्वजनिक भइसकेको छ । सलमान खानको प्रस्तुतीले यो सिजन झनै चम्किने देखिन्छ ।
यस पटकको शोका लागि कमेडियन भारती सिंह र उनका पति हर्ष लिम्बाचिया, अभिनेत्री तनुश्री दत्ता, उनकी बहिनी इशिता दत्ता, पूर्व क्रिकेटर श्रीसन्त, करणवीर बोहरा, गुरमित चौधरी, उनकी पत्नी देबिना बेनर्जी, दिपिका कक्कड, माहिका शर्मा, पोर्नस्टार डेनी डी लगायतको नामहरु चर्चामा आएको छ ।
‘भारती र श्रीमान “हर्ष” शो को पहिलो कनटेस्टेण्ट हुन् । खबरका अनुसार उनीहरुलाई उक्त शो को लागि हरेक हप्ता कुल ४५ लाख रकम दिईने छ ।यसमा पनि भारतीको पारिश्रमिक हर्षको भन्दा दोब्बर छ,अर्थात् भारतीलाई ३० लाख र हर्षले १५ लाख दिईनेछ ।
प्रतियोगीहरुले नै मोटो रकम लिइरहेका बेला ‘बिग बोस’ शो का सञ्चालक सलमान खानले लिने पारिश्रमिकले आकाश नछुने त कुरै भएन । यो शो १३ हप्तासम्म चल्नेछ । जहाँ सलमान खान हरेक शनिबार र आइतबार प्रतियोगीहरुका साथ कुराकानी गर्नेछन । तसर्थ यस समयावधिका लागि अभिनेता सलमान खानले ३ सय ६४ करोड भारतीय रुपैयाँ लिने खबर यतिबेला आइरहेका छन् ।
‘बिग बोस’ को बढ्दो टिआरपीका कारण हरेक वर्ष सलमान खानको पारिश्रमिक बढिरहेको छ । प्रति एपिसोड १४ करोड लिने कुरामा सलमान राजी भएका छन् । सलमान खान ९औंं पटक विवादित रियालिटी शो ‘बिग बोस’ होस्ट गरिरहेका छन् ।
सिजन १२ को थिम छ बिचित्र जोडी सेलेब्स र नन सेलेब्स जोडीहरु, प्रेमी – प्रेमिका, श्रीमान श्रीमती , दाजु भाई,दिदि बहिनि यस सिजनका कनटेस्टेण्टस हुनेछन ।
