मल्टिस्टारर चलचित्र ‘जय भोले’ को अफिसियल ट्रेलर सार्वजनिक गरिएको छ । बिहीबार राजधानीमा एक कार्यक्रमको आयोजना गर्दै फिल्मको ट्रेलर रिलिज गरिएको हो। सार्वजनिक ट्रेलरमा फिल्मका प्रायः कलाकारहरू फिचरिङ ट्रेलर निकै कमेडी बनाइएको छ। ट्रेलरमा बोलिने संवाद निकै रोचक छ। ट्रेलरमा प्रेम, द्वन्द्व, रोदनलाई पनि समेटिएको छ। बरिष्ठ निर्देशक एवं कलाकार असोक शर्माले निर्देशन गरेको जय भोलेको ट्रेलर निकै कमेडीपुर्ण देखाईएको छ ।
यस फिल्मको ‘उम्लियो भने पोखिन्छ’ बोल रहेको गीतलाई दर्शकहरुले निकै मन पराएका थिए । जुन गीतमा अभिनेत्री स्वस्तिमा खड्का, सलोन बस्नेत, बुद्धि तामाङ, राजाराम पौडेल, खगेन्द्र लामिछाने, सौगात मल्ल लगायतले निकै आकर्षक नृत्य गरेका छन् ।
हास्य तथा सामाजिक विषयमा निर्माण भएको फिल्ममा खगेन्द्र लामिछाने, साैगात मल्ल, स्वस्तिमा खड्का, वुद्धि तमाङ, सलोन बस्नेत, राजाराम पौडेल, लक्ष्मी गिरी लगायतको मुख्य भूमिका रहेको छ। एक करोड ६० लाख बजेटमा निर्मित यस फिल्म झापा र इलाममा छायाँकन भएको हो। पुरुषोत्तम प्रधानले खिचेको फिल्म राज ढुंगानाले सम्पादन गरेका हुन्।
अशोक शर्माको निर्देशन रहेको फिल्म ‘जय भोले’ को निर्माता पनि शर्मानै हुन् । फिल्ममा खगेन्द्र लामिछानेको पटकथा, पुरुषोत्तम प्रधानको छायाँकन, बसन्त श्रेष्ठको नृत्य र रोशनविक्रम भट्टराईको एक्सन रहेको छ । यो चलचित्र यसै वर्षको फूलपातिको दिनबाट प्रदर्शनमा आउने छ ।
हेर्नुहोस् ट्रेलर:
https://youtu.be/WBrIdO_iKb8
